Cadwyn gyflenwi | Trydan Gwyrdd Cymru

Dyma lle byddwch yn dod o hyd i fanylion ar sut y gallwch fod yn rhan o'n cadwyn gyflenwi a deall ein prosesau caffael.

Mae'n ofynnol i Trydan Gwyrdd Cymru (Trydan) ddilyn rheoliadau caffael cyhoeddus. Yn y DU, newidiodd hyn ar 24 Chwefror 2025 gyda chyflwyno Deddf Caffael 2023. Mae'r system newydd yn syml, yn agor caffael i ymgeiswyr newydd ac yn ymgorffori tryloywder, ac mae tyfu'r economi yn rhan greiddiol o'i diben.

Nod Trydan yw:

darparu gwerth am arian;
sicrhau'r budd mwyaf posibl i'r cyhoedd;
rhannu gwybodaeth er mwyn caniatáu i gyflenwyr ac eraill ddeall polisïau a phenderfyniadau caffael y cwmni;
bod yn uchelgeisiol yn ein ffocws ar ganlyniadau, a chwilio am fusnesau arloesol, y bydd llawer ohonynt yn fusnesau llai. Byddwn yn hwyluso hyn trwy wella mynediad at wybodaeth a defnyddio prosesau newydd a mwy hyblyg;
gweithredu, a chael ein gweld yn gweithredu, gyda gonestrwydd.

Canllawiau i Gyflenwyr

I fod yn un o'n cyflenwyr, rhaid eich bod wedi cofrestru ar y Platfform Digidol Canolog – Dod o Hyd i Dendr gynt.

Cyflenwyr: Sut i gofrestru eich sefydliad a’ch gweinyddwr cyntaf ar Dod o Hyd i Dendr mewn tri cham syml (HTML) - GOV.UK
Un Mewngofnodiad ar gyfer eich Cwmni yna gallwch ychwanegu defnyddwyr at y cyfrif.
Cwblhewch gwestiynau safonol unwaith yna rhannwch y manylion ar gyfer pob tendr.

Am ragor o ganllawiau mae'r llywodraeth wedi sefydlu gwybodaeth ddefnyddiol y gellir ei chael trwy'r wefan hon.

Deddf Caffael 2023: Canllaw byr i gyflenwyr (HTML) - GOV.UK

Llun yw amlinelliad lliwgar o fap Cymru. Mae’r testun yn nodi: Cymru lewyrchus, Cymru gydnerth, Cymru iachach, Cymru sy’n fwy cyfartal, Cymru o gymunedau cydlynus, Cymru â diwylliant bywiog lle mae’r Gymraeg yn ffynnu, Cymru sy’n gyfrifol ar lefel fyd-eang.

Bydd cyflenwyr yn gallu chwilio am gyfleoedd yn y platfform hwn. Bydd hon yn ardal ganolog lle byddwch yn gallu gweld pob cyfle sector cyhoeddus. Mae gan y platfform ymarferoldeb a fydd yn caniatáu ichi hidlo canlyniadau eich chwiliad. Er enghraifft, gallech hidlo yn ôl mathau o hysbysiadau, a byddai hyn yn dangos cyfleoedd posibl i chi sydd o ddiddordeb. Dyma ychydig o enghreifftiau a allai fod yn ddefnyddiol.

DU2 – Hysbysiad Ymgysylltu â'r Farchnad Ragarweiniol – Hysbysiad yn y Dyfodol.

DU4 – Hysbysiad Tendr – Cyfleoedd sydd allan i'r farchnad.

DU6 – Hysbysiad Dyfarnu Contract – Cyhoeddi cyn mynd i mewn i gontract.

DU7 – Hysbysiad Manylion Contract – Mynd i mewn i'r contract.

Gan fod Trydan yn gweithredu yng Nghymru yn unig, mae ein holl hysbysiadau'n cael eu cyhoeddi ar

Gwerthwch i Gymru - GwerthwchiGymru: Croeso i GwerthwchiGymru - GwerthwchiGymru

Yna mae'r rhain yn bwydo i'r Platfform Digidol Canolog. Gallwch gofrestru manylion mewngofnodi ar y wefan hon a derbyn hysbysiadau o unrhyw gaffaeliadau cyhoeddus sydd ar agor.

Trothwyon Caffael Trydan

Ar hyn o bryd bydd Trydan yn caffael contractau gwasanaeth ac, yn unol â'r Ddeddf Caffael, bydd unrhyw gontract sydd â gwerth dros £139,688 gan gynnwys TAW, yn cael ei gaffael allan i'r farchnad.

Ar hyn o bryd mae Trydan yn defnyddio eTenderWales ar gyfer y rhan fwyaf o gaffaeliadau.

etenderwales: porth e-dentro ar gyfer Gwerth Cymru

Bydd angen i chi fod wedi cofrestru ar y porth hwn er mwyn cael mynediad at y dogfennau tendr pan fydd y cyfle ar gael yn y farchnad.

Bydd Trydan yn cynnal digwyddiadau ymgysylltu cyn y farchnad, fel gwe-seminarau ar gyfer ein caffaeliadau uwchlaw'r trothwy.